Ndërsa pritet konfirmimi zyrtar i largimit të katër ministrave nga kabineti “Rama”, zbulohen emrat që mund të zënë vendin e tyre. Kryeministri Rama pritet të bëjë të ditur sot pasdite në orën 17:00 shkarkimet më të fundit në qeveri si edhe arsyet për këto lëvizje.
Ministrat që pritet të dorëzojnë detyrën janë ministri i Brendshëm, Saimir Tahiri, ai i Reformës Territoriale Blendi Çuçi, i Shëndetësisë Ilir Beqaj dhe i Punës Sociale Blendi Klosi.
Ndërkohë, emrat më të përfolur si hyrje të reja në cabinet janë Pandeli Majko dhe Taulant Balla, ndërsa edhe zv.kryeministrit Niko Peleshi pritet t’i besohet një ministri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
