Vitamina E acetat, një përbërës i shtuar në produktet me bazë tetrahidrocannabinol (Thc) - një nga përbërësit kryesorë aktivë të kanabisit - është identifikuar si një "shkak shumë i fortë" në sëmundjet që lidhen me cigare elektronike që u bënë shkak për problemet shëndetësore të 2051 njerëzve, 40 prej të cilëve kanë ndërruar jetë.
Lajmi konfirmohet nga Agjencia për Kontrollin dhe Parandalimin e sëmundjeve (CDC), por duke lënë të hapur hipotezën se substancat e tjera kimike ose toksinat mund të shkaktojnë sëmundje të rënda të frymëmarrjes. Zbulimi bazohet në analizën e mostrave të lëngjeve të marra nga mushkëritë e 29 pacientëve të sëmurë, ku u gjetën përbërës vitaminash.
"Për herë të parë zbuluam një toksinë që mund të jetë shkak për shqetësim, acetati i vitaminës E, në mostrat biologjike të pacientëve", me dëmtim të mushkërive të lidhura me cigaren elektronike”, tha Anne Schuchat, numri dy i CDC, në një konferencë për shtyp. “Mostrat, - shpjegoi ajo, - siguruan prova për praninë e vitaminës E acetat në vendin kryesor të dëmtimit të mushkërive".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
