Ambasada Amerikane, përmes një postimi në ‘Facebook’, ka dhënë një njoftim shumë të rëndësishëm për të gjithë të interesuarit dhe drejtuesit më të mirë dhe të dalluar të komuniteteve nga e gjithë bota, përfshirë dhe Shqipërinë.
Në njoftim sqarohet se bëhet fjalë për të marrë pjesë në një program shkëmbimi për zhvillimin e tyre profesional.
Njoftimi i ambasadës amerikane në Tiranë: Programi Community Solutions, financuar nga Zyra për Arsimin dhe Kulturën e Departamentit të Shtetit, u jep mundësinë drejtueseve më të mirë dhe të dalluar të komuniteteve nga e gjithë bota, të marrin pjesë në një program shkëmbimi për zhvillimin e tyre profesional, që përfshin edhe një përvojë thelbësore njohurish në Shtetet e Bashkuara. Jeni të interesuar? Shihni kriteret që kërkohen dhe aplikoni tani: https://exchanges.state.gov/non-us/program/community-solutions
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
