Miratohen nga KQZ në Kosovë dy fletëvotimet që do të përdoren për zgjedhjet parlamentare të 14 shkurtit.
Njëra fletëvotim përmban dy gjuhët zyrtare në Kosovë, gjuhën shqipe dhe serbe, ndërsa fletëvotimi tjetër i miratuar përmban tre gjuhë zyrtare në Kosovë: shqip, serbisht dhe turqisht.
KQZ nuk ka miratuar propozimin e anëtarit të PDK-së që në fletëvotim krahas logos dhe akronimit të partisë të shënohet edhe slogani i subjektit apo koalicionit në zgjedhje.
Burim Ahmetaj nga QNR u shpreh se nga diaspora qytetarët mund ta printojnë në formatin A3 apo A4 dhe nuk ka rëndësi nëse është me ngjyra apo pa ngjyra.
“Për zgjedhjet në Kosovë fletëvotimi duhet të jetë origjinal dhe përmban të gjitha elementet e sigurisë”, tha Ahmetaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
