Çmimi i energjisë, rekord/ Gordani: KESH parashikon që gjatë verës të importojmë 53 % të nevojave të konsumit

Çmimi i energjisë elektrike u është afruar rekordeve më të larta historike, me një çmim 442 euro për megavat orë, ndërsa çmimi në pikun e kërkesës ka kapur vlerën 488 euro për megavat orë.

Lidhur me këtë situatë që ka prekur edhe vendin, eksperti i energjisë, Lorenc Gordani, u shpreh për edicionin e lajmeve në “MCN tv” se pavarësisht shtimit të prodhimit, Shqipëria nuk ka arritur që të përballojë vetë nevojën për konsum.

KESH ka blerë 20.630 megavat orë energji për datat 2 deri në 10 korrik me një çmim mesatar prej 333 euro.

Në total për 1 javë, fatura e energjisë elektrike ka kapur vlerën e 7 milionë eurove.

Natyrisht diçka e tillë vjen nga importet, por importet tashmë janë shumë më të larta, pra bëhet fjalë, jo më ngritje siç ndodh natyrshëm 15%, por bëhet fjalë për rritje disa fishë, çfarëdo të thotë se do të jetë edhe më e madhe.

Shqipëria, nuk bën përjashtim nga rregulli, vetë BE merr 50% të energjisë nga importet, dhe si rrjedhim ka nevojë për të importuar nga jashtë, njëjtë edhe me rastin e Shqipërisë dhe me zhvillimin tonë që nuk është aq i avancuar.

Në Shqipëri, sa më e lartë të jetë kurbat e parametrit të GJDP, që më të lartat janë kërkesat e konsumit të vendit. Vendet e BE-së kanë një bursë energjie, është një aspekt tjetër që e mundëson, edhe Shqipëria duhet të bëj.

Sipas Gordanit, KESH parashikon që gjatë verës të importojmë 53 % të nevojave të konsumit energjetik.

Situata hidrike nga të dhënat e fundit të Korporatës Elektroenergjetike Shqiptare tregon se është në parametrat normal.

Niveli i ujit në hidrocentralin e Fierzës është 287 metra, afër mesatares shumëvjeçare të kësaj periudhe, ndërsa Komani dhe Vau i Dejës ndodhen në kuotat e 173 dhe 73 metrave. Pra, jemi afër mesatares shumëvjeçare.

Jemi futur në periudhën që po importohet, në maj janë importuar 175 milionë €, dhe tanimë do të fillojmë importet e rëndësishme,

Tanimë hapen skenarët që mbi të cilët kishte më shumë frikë, për të pasur rritje më të lartë të importeve në bursat dhe duhet të presim situatën në tetor-nëntor, nëse ne bëjmë llogari, duke qenë se gjatë muajve të nxehtë risim konsumin energjetik, janë 3 mijë € që duhet të importojmë çdo ditë.