Banorët e fshatit Pajovë të Peqinit kanë organizuar një protestë simbolike paraditen e kësaj të premte në vendin ku humbi jetën vogëlushi 8-vjeçar Enio Tabaku.
Në vijën e parë shihen familjarët me fotot e vogëlushit dhe pankarta në duar teksa kërkojnë drejtësi dhe vendosjen e sinjalistikave rrugore dhe policëve, mbikalime e ndriçim në zonë.
Pas tyre vijnë protestues të tjerë nga zona të prekur mbi ngjarjen e rëndë. Banorët bllokuan rrugën!
Kujtojmë se i mituri humbi jetën në aksidentit tragjik të regjistruar mesditën e 31 tetorit në aksin Elbasan-Peqin, pranë fshatit Pajovë.
8-vjeçari po qëndronte në anë të rrugës në trotuar, kur një automjet tip “Volkswagen” u përplas me një automjet tip “Audi” dhe si pasojë e përplasjes së fortë, një prej makinave përfunduar jashtë rruge, duke përplasur vogëlushin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
