Pas 102 vitesh, është hapur në Selanik xhamia “Jeni”, e cila është përdorur kryesisht si hapësirë për ekspozita të artit pamor.
Sot në mëngjes dhjetëra besimtarë myslimanë mbërritën në xhami për të falur namazin në ditën e Fiter Bajramit.
Namazi i kryer në gjuhën arabe përfundoi pas gjysmë ore dhe u pasua nga një predikim në arabisht dhe greqisht.
Xhamia "Jeni", e projektuar nga arkitekti italian Vitaliano Poselli në vitin 1902, u ndërtua fillimisht për komunitetin Dönmeh të qytetit, të cilët ishin hebrenj të konvertuar në myslimanë.
Megjithatë, pas largimit të Dönmeh gjatë shkëmbimit të popullsisë midis Greqisë dhe Turqisë, ndërtesa u ripërcaktua si Muzeu Arkeologjik i Selanikut në vitin 1925. Sot, ajo shërben si një qendër ekspozitash arti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
