Gjykata jep vendimet për inceneratorin e Elbasanit: Koka dënohet me 5.8 vite burg, Bllako i pafajshëm

Ka përfunduar në GJKKO seanca për inceneratorin e Elbasanit.

Gjykata e Posaçme ka shpallur sot vendimet për dosjen e inceneratorit të Elbasanit, për Lefter Kokën dhe personat e tjerë të akuzuar.

 Ish-ministri i Mjedisit është dënuar me 5.8 vite burg duke përfituar nga gjykimi i shkurtuar.

Ndërkohë, ish-deputeti socialist dhe ish-sekretari i Përgjithshëm i Ministrisë së Mjedisit, Alqi Bllako është shpallur i pafajshëm për akuzat që lidhen me Elbasanin.

Mbi 11 vite burg është dhënë nga togat e zeza për Mirel Mërtirin dhe bashkëjetuesen e tij, Stela Gugallja. Respektivisht, 6.8 vite burg për Mërtirin si pronar i kompanisë së inceneratorit dhe 4.8 vite burg për Gugalljan, si ortake dhe administratore.

Lefter Koka është shpallur fajtor për veprat penale “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale” , kryer në bashkëpunim.

Vendimi i Gjykatës së Posaçme për të akuzuarit për inceneratorin e Elbasanit:

• Lefter Koka – Dënohet me 8.6 vite burg – 5.8 vite nga gjykimi i shkurtuar
• Klodian Zoto – Dënohet me 10 vite burg – 6.8 vite me gjykim të shkurtuar
• Mirel Mërtiri – Dënohet me 10 vite burg – 6.8 vite me gjykim të shkurtuar
• Stela Gugallja – Dënohet me 7 vite burg – 4.8 vite me gjykim të shkurtuar
• Alqi Bllako – Shpallet i pafajshëm
• Pëllumb Abeshi – Dënohet me 4 vite burg – 2.8 vite me gjykim të shkurtuar
• Bardhyl Cabiri – Dënohet me 2 vite burg
• Jonida Zeqo – Dënohet me 4 vite burg – 2.8 vite me gjykim të shkurtuar
• Serafin Papa – Dënohet me 1.4 vite burg