Eksperti i sigurisë rrugore Gëzim Hoxcha në një lidhje skype me ‘Zgjiohu me MCN’ ka folur lidhur me shtimin e aksidenteve kryesisht në stinën e dimrit të cilat vijnë dhe si pasojë e infrastrukturës rrugore.
Teksa flet për akset më problematike në Tiranë dhe gjithë vendit, orët e pikut të trafikut, ai jep dhe disa këshilla për përdorimin e automjeteve.
Sipas tij një problematikë e madhe është fakti se dikur përgatiteshin shoferë profesionistë, ndërsa në ditët e sotme ne nxjerrim vetëm shoferë për përdormi vetjakë, dhe ne si natyrë shqiptare nuk e njohim as rrezikun
Kur bie shi njerëzit kalojnë te makinat dhe gropat në qytet ndikojnë dhe të gjitha këto në trafikun e rënduar. Përgjithësisht të gjitha akset kanë probleme sepse ka gropa, por duke hyrë në sezonin e dimrit ai ka problemet e veta dhe duhet të përgatitemi për dimrin.
Makina ka shumë sisteme që duhen kontrolluar, duhet kontrolluar niveli i alkoolit sepse gjatë verës për shkak të temperaturave ai ka avulluar, me rëndësi janë gomat e makinës, nuk kemi kushte klimaterike tejet të ftohta që të kemi goma dimërore, verore apo me thumba por duhet ti kontrollojmë.
Makina duhet kontrolluar patjetër 2 herë në vit, duhet kontrolluar cilësia e vajit të motorit, gomat dhe mjetet e kalueshmërisë.
Semaforët nuk vendosen me hamendje por ka programe kompjuterike matet intensiteti i fluksit të automjeteve, pastaj në bazë të saj vendoset dhe kohëzgjatja për semaforët, nëse ka bllokime është polici rrugor ai që e menaxhon. Policët janë rregullatorë, ata bëjnë balancën në rrugë.
Sa i përket akseve më problematike në të gjithë Shqipërinë eksperti tha se një prej tyre është ajo nga kthesa e Murrashit nga Librazhdi deri lart pasi ka pasur gjithmonë problematika për shkak të rrëshqitjes së dherave dhe gurëve.
Një aks tjetër me probleme është pastaj rruga e kombit ka pasur probleme por tashmë është punuar dhe është rregulluar.
Përgjithësisht ne si shoferë nuk jemi të kujdesshëm sepse nga natyra shqiptare nuk e njohim shumë rrezikun, por kjo në fakt është e rrezikshme se rrezikon jetën.
Përpara ne nxirrnim shoferë profesionistë ndërsa tani nxjerrim shoferë për përdorim vetjakë. Të gjithë ata që punojnë në institucionet shtetërore s’mund të përdorin patentën e klasit B.
Është momenti kur të gjithë shkojnë në punë dhe shkollë është orari 7-9 që ka më tepër trafik, dhe në orën 10 është trafiku i kafeve i thonë. Po ashtu dhe orari 4-6 , por problemi është se ne nuk dimë ta vlerësojmë kohën nuk e kuptojmë se koha është pasuri kombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
