Atmosfera e festave të fundvitit ka mbërritur tashmë në disa qytete të vendit. Edhe Lezha është veshur me dekorin festiv, ndërsa ndezja e dritave u bë përmes një ceremonie të veçantë në lulishten para memorialit të "Gjergj Kastriotit".
Pjesë e festës u bënë dhjetëra qytetarë mes të cilëve dhe shumë fëmijëve të cilët sfiduan motin me shi dhe ju gëzuan atmosferës së krijuar.
Dritat u ndezën këtë fundjavë edhe në Korçë, ku në një numërim mbrapsht nga kori i babagjyshave të vegjël dhe pjesëmarrësve të shumtë në numër qyteti u vesh me një atmosferë magjike për të pritur në muajin më të bukur të vitit.
Në pedonalen e qytetit mijëra qytetarë festuan bashkë çeljen e festave që do të kulmojë me natën e ndërrimit të viteve, ndërsa fluksi i madh i turistëve u ndje që këtë fundjavë të cilët kishin rezervuar për të marrë pjesë në festivalin e dritave.
Nga juglindja, edhe Gjirokastra ndriçoi bredhin simbolik, ndërsa aktiviteti u zhvillua në zonën historike ku në Pazarin karakteristik është ngritur Këndi i Festave.
Gjirokastra synon që në këtë atmosferë festash të vazhdojë të jetë destinacion tërheqës për turistët, ndërsa festës më së shumti iu gëzuan fëmijët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
