Pak javë më parë ministrja e Infrastrukturës njoftoi se shumë shpejt do të hapet konkursi për ndërtimin e Aeroportit të Vlorës.
Ndërkohë në Komisionin e Veprimtarisë Prodhuese, zv.ministri i Transportit, Artan Shkreli, ka deklaruar se kompani të huaja, kryesisht europiane, kanë shfaqur interes për të qenë pjesë e garës.
Po ashtu ndryshe nga Balluku, ai ka sqaruar edhe arsyet se përse u tërhoq nga gara konsorciumi me tre kompani turke, dhe që sipas qeverisë do kryente projektin 100% nga fondi i tyre.
Sakaq nga ana tjetër, ende nuk kemi një vendim se çfarë do të ndodhë me kontratën koncesionare të aeroportit Nënë Tereza, pasi kreu i aviacionit civil, Krislen Keri, thotë se ende po bëhen verifikimet nga kompania audituese e kontraktuar nga qeveria.
Po ashtu, në komision u miratua edhe një marrëveshje mes shtetit shqiptar dhe Mbretërisë së Arabisë Saudite, e cila ka për qëllim krijimin e kushteve të përshtatshme lehtësuese për operatorët e transportit ajror dhe lëvizjen pa pengesa për shtetasit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
