Kryeministri Edi Rama, duke folur për skandalin e AKSHI-t, mori në mbrojtje drejtoreshën e këtij institucioni, Mirlinda Karçanaj, duke i cilësuar si të pabazuara akuzat e SPAK për ekzistencën e një grupi të strukturuar kriminal, duke sulmuar gjithashtu mediat dhe analistët politikë për mënyrën e trajtimit të çështjes.
Analisti Pano Soko, në një intervistë për “MCN Live”, u shpreh se qëndrimi i kryeministrit përbën një tentativë për shantazh ndaj sistemit të drejtësisë.
Sipas Sokos, kryeministri po përpiqet të relativizojë përgjegjësinë ligjore duke u mbështetur te vota popullore.
Ne nuk kemi votuar për kryeministrin, por për deputetët. Atributi i votës nuk të jep të drejtën të shkelësh ligjin apo të thuash se nuk duhet të merresh me mua sepse jam më i votuari.
Kryeministri është i barabartë përpara ligjit, ashtu si çdo qytetar tjetër, dhe se përpjekjet për t’i prerë kompetencat drejtësisë përbëjnë një precedent të rrezikshëm.
Dje ai tentoi të shantazhoj sistemin e drejtësisë. Përpara ligjit të gjithë janë të barabartë.
Soko ngriti gjithashtu çështjen e imunitetit parlamentar, duke argumentuar se ai po keqpërdoret.
Pse duhet të kenë deputetët imunitet? Fshihen pas tij, bëjnë çfarë të duan dhe i shmangen drejtësisë.
Në vitin 2026 duhet të hiqet imuniteti i deputetëve, duhet të punohet në këtë drejtim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
