Dalin detaje të reja në lidhje me kokainën e kapur sot në Kosovë. Burime për MCN TV bënë të ditur se kamioni me mish ku u gjet lënda narkotike i përket kompanisë Mcfood.al, me seli në Kavajë dhe Lipjan.
Kompania është në bashkëpronësi të Izet Sheqirit dhe Bledar Habilit dhe është regjistruar si biznes në QKB-në e Kosovës në nëntor të vitit të kaluar.
Kompania Seara mendohet se është nënkontraktore e Mcfood.al për Kosovën. Kjo kompani bën paketimin dhe importin e mishit në Kosovë dhe në një prej kamionëve të saj u gjet sot lënda narkotike.
Sasia prej 400 kilogramësh kokainë u sekuestrua sot në mesditë në Kosovë. Mësohet se sasia e drogës ka mbërritur 2 javë në Portin e Durrësit dhe më pas është nisur drejt Kosovës ku edhe është sekuestruar.
Bëhet fjalë për një operacion të kryer nën koordinimin e DEA-s amerikane, të cilët kishin informacion që në origjinë për ngarkesën në fjalë duke i vendosur GPS për të parë se ku do të shkonte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
