Me thirrjet “Do t’i mbrojmë me gjak” , “Mbrojmë pronat tona” dhe “Shteti na ka shitur” banorët e fshatit Bërxullë që preken nga projekti Thumanë-Kashar protestuan sot përpara Kuvendit ku po mbahet seanca plenare.
Njëri nga protestuesit tha se banorëve të fshatit po i shkatërrohet pasuria dhe se në Bërxullë po bëhet një katastrofë e madhe.
Po na shkatërrohet pasuria. Duam transparencë, ku do e kemi rrugën anësore. Në Bërxullë është katastrofë e madhe, mua më dhemb. Kam qenë ai që s’jam marrë as me parti as me protesta. Kam qenë më 12 në qendër, në protestë. Bërxulla do të jetë fshati më i mirë dhe më i bukur, kalon autostrada, do projekt tamam, ka tokat më pjellore. Me ato toka mbaj fëmijët e mi. Tavolina ime ka djathin, qumështin, mishin. Deputetëve i kam çuar qumësht, jam specialist ndërtimi, punoj prej 25 vitesh, paguaj 180 mijë lekë siguracion. Po mu shemb shtëpia dhe punën do e lë. As nuk shaj, as jam hajdut. Po i them atij Parlamenti se fëmijët tanë po protestojnë në Londër në Amerikë. Jam i aftë të punoj, dhe punoj krah për krah me 20-vjeçar. 8 vjet kam paguar dhe taksat. Edhe po të më japin miliona, shtëpinë time nuk e dorëzoj. I them Edi Ramës, hajde të jap dorën te ajo shkollë që bëre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
