Janë dërguar në kampin e Gjadrit 12 nga 16 emigrantët e mbërritur nga Italia një ditë më parë në vendin tonë.
Pas verifikimeve të kryera në qendrën pritëse të Shëngjinit, 12 emigrantë u dërguan në kamp, ndërsa katër të tjerë u deportuan në Itali, për shkak se dy ishin të mitur, ndërsa dy të tjerë kishin probleme shëndetësore.
Transporti i emigrantëve drejt kampit të Gjadrit është bërë në mesnatë me autobus të shoqëruar nga policia italiane.
Anija “Libra” e marinës italiane mbërriti mëngjesin e së mërkurës me 16 emigrantët e parë që kanë ardhur nga Italia në kampet e ngritura në vendin tonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
