Përplasen në fluturim dy avionë trajnimi, humbin jetën 3 pilotë ukrainas

Tre pilotë ukrainas kanë humbur jetën, pasi dy avionë trajnimi L-39 janë përplasur në ajër në Ukrainën qendrore.

Sipas zyrtarëve ushtarakë, pilotët u vranë të premten kur dy avionë luftarakë L-39 u përplasën në qiell pranë qytetit Zhytomyr, në perëndim të Kievit. Forcat Ajrore thanë se pilotët kishin kryer një mision luftarak.

Forcat Ajrore shprehën ngushëllimet për familjet e të ndjerit, duke thënë se “kjo është një humbje e dhimbshme dhe e pariparueshme për të gjithë ne”.

Byroja Shtetërore e Hetimit të Ukrainës (SBI) po heton rrethanat e rrëzimit. Në një deklaratë të shtunën, agjencia tha se vëmendje e veçantë do t'i kushtohet gjendjes teknike të avionit dhe nëse rregullat për përgatitjen e fluturimeve ishin respektuar.

Specialistët do të kryejnë gjithashtu një diagnozë të plotë të kutive të zeza, tha SBI.  "Humbja e çdo ushtari është një humbje e madhe për të gjithë vendin," tha SBI.