Ministrja për Europën dhe Punët e Jashtme, Olta Xhaçka, mori pjesë në eventin ministror të grupit bërthamë LGBTI të Kombeve të Bashkuara “E drejta për të qenë unë”.
Në takimin ku ishte i pranishëm edhe Sekretari i Shtetit, Antony Blinken, ministrja Xhaçka theksoi se Shqipëria qëndron për pjesëmarrje të plotë, të barabartë dhe kuptimplotë të komunitetit LGBTI (Lesbike, Gej, Biseksual, Transgjinor dhe Interseksual) në të gjitha sferat e jetës publike dhe institucionale.
Ministrja deklaroi se, Shqipëria mbetet e përkushtuar dhe e vendosur për ta çuar përpara këtë axhendë si çështje prioritare edhe në Kombet e Bashkuara.
Grupi Bërthamë LGBTI i Kombeve të Bashkuara është një grup joformal ndër-rajonal i Shteteve Anëtare të Kombeve të Bashkuara i themeluar në vitin 2008. Qëllimi kryesor i këtij grupi është të punojë brenda kornizës së OKB për të garantuar respektimin universal për të drejtat e njeriut dhe liritë themelore për të gjithë, veçanërisht për komunitetin LGBTI, me një fokus të veçantë në mbrojtjen nga dhuna dhe diskriminimi.
Fundjavën e lënë pas, përfaqësues të komunitetit shqiptar të LGBTI, por jo vetëm, u përballën me dhunë në paradën e zhvilluar në Beograd të Serbisë nga qytetarët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
