Në kuadër të nisjes së aksionit për pastrimin e mbetjeve në nivel vendi, kryeministri Edi Rama ka bërë thirrje sot për vetëdijesim për të mbajtur pastër territorin vendit.
Ai ka ndarë në rrjetet sociale pamje nga aksioni i djeshëm në Pyllin e Sodës në Vlorë, duke kërkuar që të gjithë të bashkohen të paktën duke mos e ndotur më vendin, për të treguar kështu dashuri dhe krenari për atdheun.
“Mirëmëngjesi, dhe me thirrjen që të gjithë të na bashkohen për ta pastruar njëherë e mirë Shqipërinë, së paku duke mos e ndotur më tej trupin e saj të mrekullueshëm, e duke e treguar dashurinë e krenarinë për atdheun me patriotizmin elementar të respektit për mjedisin e tij, ju uroj një javë të mbarë”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
