Shkodër/ Në kërkim nga drejtësia italiane për trafikim narkotikësh, arrestohet 54-vjeçari

I shpallur në kërkim nga drejtësia italiane për trafikim të lëndëve narkotike është arrestuar në Shkodër 54-vjecari, me qëllim ekstradimin.

Shërbimet e Forcës së Posaçme “Shqiponja”, si rezultat i  shkëmbimit të informacioneve me Interpol Tiranën, kanë kapur në fshatin Stom Golem, shtetasin e shpallur në kërkim ndërkombëtar A.Sh., 54 vjeç, banues në fshatin Hot i Ri. 

Ky shtetas ishte shpallur në kërkim ndërkombëtar nga Interpol Roma, pasi Prokurori Publik në Torino, në muajin janar 2024, i ka caktuar masën e sigurisë “Arrest në burg”, për veprën penale "Trafikimi i narkotikëve".    

Interpol Tirana, në bashkëpunim me Interpol Romën, do të kryejnë procedurat për ekstradimin e këtij shtetasi në Itali.