Deputetja e Partisë Demokratike, Majlinda Bregu deklaroi sot se integrimi i Shqipërise është për shqiptaret dhe jo për politikanët dhe se ka një ka një kusht të qartë për çeljen e negociatave, zbatimi i Reformës në Drejtësi.
Në takimin e përbashkët të KKIE me Delegacionin e BE, Komisionin e Jashtëm dhe Komisionin e Integrimit, Bregu ka pohuar se kur flitet për axhendë kombëtare, të gjithë duhet të kenë të njejten ambicie: avancimin e Shqipërisë në procesin e integrimit dhe hapjen e negociatave të anëtarësimit.
“Ky proces mund të jetë i suksesshem vetem nëpërmjet përfshirjes, angazhimit dhe forcimit të kapaciteteve të të gjithe aktoreve. Vijoj t’ i bëj thirrje qeverise të konsultoje me KKIE si organi më i lartë konsultativ për Integrimin Europian, të gjithe dokumentat strategjike dhe hapat qe synohen të ndermerren në plotesim të prioriteteve për hapjen e negociatave të anëtaresimit”, shprehet Bregu.
Bregu thekson, ndër të tjera se “Ka një kusht të qartë për çeljen e negociatave: Zbatimi i Reformës në Drejtësi. E kundërta do të na ktheje vite pas ”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
