Një gjykatë ushtarake ruse e apelit ka dënuar me 5 vjet burg sociologun Boris Kagarlitsky, i cili kundërshtoi luftën në Ukrainë.
Gjykata e rriti ndjeshëm dënimin e shkallës së parë, e cila përfshinte lirimin e profesorit të universitetit marksist dhe një gjobë prej rreth 6000 euro.
Kagarlitsky u akuzua për “justifikim të terrorizmit”, sipas avokatit të tij, për një postim në të cilin analizonte pasojat ushtarake të sulmit në urën e Krimesë në tetor 2022.
Sociologu u arrestua më 25 korrik. Lajmi i dënimit u raportua nga media të ndryshme ruse, përfshirë agjencinë Interfax, e cila citoi vetë gjykatën.
Sipas agjencisë, prokuroria publike kishte apeluar dënimin e shkallës së parë, duke kërkuar pesë vjet e gjysmë burgim për profesorin e Shkollës së Lartë të Shkencave Sociale-Ekonomike në Moskë. Gjithashtu sociologu u dënua që të mos administronte faqet e internetit për dy vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
