Kryeministri grek Alexis Tsipras riformatoi kabinetin e tij të martën një vitë përpara zgjedhjeve të përgjithshme vitin e ardhshëm duke kërkuar mbështetjen e një publiku të goditur nga masat shtrënguese dhe nga ndihmat financiare.
Tsipras mbajti ministrin e financave Euklid Tsakalotos, i cili drejtoi daljen e Greqisë nga fondi saj i tretë shpëtimit dhe Ministrin e Jashtëm Nikos Kotzias, i cili ishte i dobishëm në ndërmjetësimin e një marrëveshje që përfundoi pas shumë viteve konflikti me Maqedoninë fqinjë mbi emrin e saj. Gjithashtu edhe ministri i Mbrojtjes Panos Kammenos mbajti postin e tij.
Udhëheqësi i majtë ndërroi disa ministra dhe solli disa fytyra të reja në kabinetin e tij duke përfshirë dy politikanë aktivë në administratat e mëparshme socialiste. Ai emëroi Myrsini Zorba, një profesor i teorisë kulturore, si ministër i kulturës.
Ish-ministri i Brendshëm Panos Skourletis, u bë Sekretari i Komitetit Qendror të partisë Syriza të Tsipras dhe është ngarkuar të përmbys një rënie të të popullaritetit dhe vlerësimet e qeverisë.
Skourletis u zëvendësua nga Alexis Haritsis, i cili më parë shërbeu si ministër alternativ i ekonomisë, shkruan Reuters.
Pas kritikave mbi trajtimin e një zjarri të madh muajin e kaluar që vrau 97 vetë, Tsipras e shtyu ministren e tij të Reformës Administrative Olga Gerovasili në Ministrinë e Mbrojtjes Civile. Ndërsa portofolin e saj ia dha ish-ministrit të Jashtëme socialiste dhe deputetetes së PASOK Mariliza Xenogiannakopoulou.
Tsipras caktoi sekretarin e përgjithshëm të qeverisë Michalis Kalogirou si ministër të ri të Drejtësisë ndërsa ministrin alternativ të mbrojtjes Fotis Kouvelis mori portofolin e anijeve.
Tsipras i tha komitetit qendror të partisë së tij të hënën mbrëma se ndryshimet kishin për qëllim frymëzimin e jetës së re në parti dhe qeverinë përpara vitit 2019, një vit zgjedhjesh dhe sfida të reja politike.
Ai përjashtoi një votim të menjëhershëm duke thënë se "nëna e të gjitha betejave" do të zhvillohej në vjeshtën e vitit 2019, siç ishte planifikuar, pas zgjedhjeve të Parlamentit Europian. Greqia mban zgjedhjet parlamentare çdo katër vjet dhe sondazhet tregojnë se konservatorët gëzojnë një kryesim të gjerë mbi Syriza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
