Bashkëkryetari i komisionit të posaçëm parlamentar për reformën territoriale Arbjan Mazniku thotë do synohet krijimi i bashkive me dy nivele, si qendër qarku dhe si bashki më të vogla.
Në një intervistë për MCN TV, ai deklaroi se numri i tyre do rritet duke plotësuar kështu një nga kërkesat e opozitës, ndërsa shtoi se faza e parë do të mbyllet brenda korrikut.
Sipas tij, synohet që të ketë zgjidhje të qëndrueshme në kohë.
Synojmë që brenda korrikut të vitit që vjen të mbyllim pjesën e parë të reformës, që është harta e territorit. Më pas në raport me të, çështja e kompetencave dhe financave, mënyra se si financohet pushteti vendor.
Besoj se mund të shkojmë drejt një zgjidhje që të jetë e qëndrueshme në kohë. Një nga modelet që duhet parë modeli i pasjes së më shumë se sa një niveli të qeverisjes vendore, modeli i sotëm është me një nivel, kemi bashkitë që janë me nivel horizontal të pushtetit vendor.
Një pjesë jo e vogël e vendeve të Bashkimit Europian, kanë një sistem me dy nivele, një nivel bazik që është më pranë qytetarëve dhe niveli më i përmbledhur, i dyti, që përmbledh një seri funksionesh më të specializuara.
Padyshim që ky duhet të jetë një ndër modelet që duhet të diskutohet. Numri i bashkive do të jetë pjesë e diskutimit në komision.
Synojmë të kemi dy fushata të mëdha të komunikimit me publikun dhe të dëgjesave masive me publikun, qofshin me grupe interesi, universitetet, bashkitë, këshillat e qarqeve apo këshilltarët bashkiakë të të gjithë qarqeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
