Ndërsa Ukraina forcon praninë e saj në rajonin e Kurskut të Rusisë, presidenti ukrainas Volodymyr Zelensky akuzoi Rusinë për shantazhimin e botës me kërcënimin e një katastrofe në termocentralin bërthamor Zaporizhzhia.
Ai deklaron se për më shumë se dy vjet, agresorët rusë kanë kontrolluar termocentralin më të madh bërthamor në Evropë.
Rusia po përdor territorin e uzinës si bazë për të nisur sulmet kundër Nikopolit dhe vendndodhjeve të tjera fqinje, po grumbullon pajisje ushtarake dhe municione në territorin e termocentralit bërthamor Zaporizhzhia.
Vetëm kthimi i uzinës nën kontrollin ukrainas do të garantojë respektimin e plotë të të gjitha standardeve të sigurisë dhe normalizimin e situatës në zonë.
Për dekada Ukraina ka ruajtur nivelet më të larta të sigurisë në vendet e saj dhe do të vazhdojë ta bëjë. Megjithatë, kjo kërkon fundin e pranisë kriminale ruse në termocentralin Zaporizhzhia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
