Goditen nga Policia Kufitare në portin e Durrësit, katër raste të tentativës për të kaluar kufirin me dokumente të falsifikuara.
Shërbimet e Policisë Kufitare, në bashkëpunim me specialistët për Hetimin e Krimit Ekonomik dhe Financiar arrestuan në flagrancë, për veprën penale “Falsifikimi i letërnjoftimeve, i pasaportave ose i vizave”, katër persona.
Të dyshuarit janë M. T., 34 vjeç, K. S., 25 vjeç, Y. S., 31 vjeç dhe T. S., 32 vjeç, banues në Turqi.
Ata u kapën nga shërbimet e Policisë Kufitare në Portin e Durrësit, duke tentuar të kalonin kufirin me dokumente të falsifikuara.
Ndaj të dyshuarve, materialet i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
