“Marrëdhëniet me Patriarkun e Moskës janë shumë të mira, por më vjen keq që Vatikanit i është dashur të pezullojë një takim të dytë me Patriarkun Kirill, të cilin e kishim planifikuar për në qershor në Jeruzalem.
Kështu thotë Papa Françesku në një intervistë për gazetën argjentinase La Nacion, raporton Ansa.
“Diplomacia jonë e ka kuptuar se një takim i ne të dyve në këtë kohë mund të krijojë shumë konfuzion. Unë kam promovuar gjithmonë dialogun ndërfetar. Kur isha kryepeshkop i Buenos Aires, bashkova të krishterët, hebrenjtë dhe myslimanët në një dialog të frytshëm. Ishte një nga iniciativat për të cilat krenohem më shumë. Është e njëjta politikë që unë promovoj në Vatikan. Siç më keni dëgjuar të them shumë herë, për mua marrëveshja dominon ndaj konfliktit.
Pak ditë më parë, Patriarku rus Kirill, aleat i ngushtë i Presidentit Vladimir Putin, u bëri thirrje mbështetësve të Rusisë që të bashkohen për të luftuar “armiqtë e brendshëm dhe të jashtëm të Moskës”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
