“Rusia braktis kufomat e ushtarëve për të mos dëmshpërblyer familjet”

Nëse nuk ka trup për të varrosur, nuk ka asnjë kompensim! Ky është mekanizmi dramatik i vendosur nga rusët siç raportohet nga Ministria e Jashtme e Ukrainës, nëpërmjet zëdhënësit Oleg Nikolenko.

Rusët nuk marrin kufomat e ushtarëve nga fusha e betejës sepse, sipas legjislacionit të tyre, familja e çdo personi të vdekur merr shtatë milionë rubla.

Nëse ushtari mungon, nëse nuk ka trup, do të thotë se nuk ka para për dëmshpërblim.

Deklarata e Nikolenko vjen në një intervistë për Irish Time.

Sipas agjencisë ruse Interfax, në mars Presidenti rus Vladimir Putin deklaroi në Këshillin e Sigurimit rus se familjet e ushtarakëve të vrarë në të ashtuquajturat “operacion special ushtarak” në Ukrainë ata do të merrnin një shumë prej 7.421 milionë rubla (rreth 121 mijë euro), përveç një tarife mujore.