Bashkimi Europian ka dhënë 14.5 milionë euro për censusin e popullsisë dhe të banesave në Shqipëri për vitin 2020. Gjatë një takimi paraditen e sotme, ambasadori i BE-së, Luigi Soreca, tha se censusi me të dhëna të plota dhe të besueshme do të jetë baza e negociatave.
“Jemi këtu për të diskutuar sfidën e radhës, censusin për popullsinë dhe banesat për vitin 2020. Rëndësia e popullsisë nuk është vetëm për Shqipërinë, por edhe për BE-në dhe për aspiratën e Shqipërisë për t’u bërë pjesë e familjes evropiane. Censusi do të jetë baza e negociatave. Shpresa ime është që negociatat të çelen shumë shpejt”, tha ai.
Soreca tha censusi i vitit 2011 nuk ishte i plotë.
“KE ka theksuar që cencusi i 2011 nuk arriti të siguronte të drejtat e qytetarëve që të deklaronin origjinën etnike dhe besimin e tyre fetar", tha Soreca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
