Ukraina është përfshirë nga një valë sulmesh me raketa mbrëmjen e kësaj të shtune. Sipas mediave të huaja, Rusia përdori raketat hipersonike “Kinzhal” për të goditur objektivat strategjike ushtarake dhe energjetike në të gjithë vendin. Si pasojë, disa qytete të mëdha, përfshirë Kievin, Zaporizhzhian dhe Kharkivin, raportohet të jenë pa energji elektrike.
Kompania shtetërore e energjisë Tsentrenergo njoftoi se të gjitha termocentralet e saj kishin pezulluar punën pas goditjeve nga raketat. U raportua se termocentralet Zmiyivska, Pridneprovskaya dhe Tavricheskaya, si dhe Hidrocentrali i Kremenchuk, janë dëmtuar rëndë. Ndërkohë, objektivat e tjerë të sulmit ishin dhe baza ajrore në Kiev.
Prej muajsh Ukraina është në një krizë energjie, ndërsa objektivi kryesor i Rusisë mbetet goditja e centraleve energjitikë dhe bazave ajrore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
