21-vjecari i cili qëlloi për vdekje drejt oficerit të policisë Saimir Hoxha, ka tentuar të vetëvritet ndërsa prej orësh ishte i rrethuar nga forca të shumta policie.
Burimet zyrtare të policisë Lezhë bëjnë me dije se 21-vjeçari është gjetur i plagosur brenda një banese në të cilën policia besonte se fshihej.
Aktualisht i riu po transportohet nga forcat e policisë për në spital, në gjendje kritike për jetën.
“Forcat e Policisë kanë krijuar perimetrin e sigurisë dhe i kanë bërë thirrje autorit që të dorëzohej, por autori i ngjarjes, shtetasi Aldi Rama nuk i është përgjigjur thirrjes së Policisë për t’u dorëzuar, por është vetëplagosur me armën e tij.”, shkruan policia në njoftimin zyrtar.
Kujtojmë se Aldi Rama vrau mëngjesin e kësaj të marte oficerin Saimir Hoxha.
Prej orësh në kërkim, Rama u bë i mundur të lokalizohej pasi dy të shtëna u dëgjuan në afërsi të zonës ku ndodhi vrasja. Besohet se ky ishte momenti kur Rama i ka marrë jetën vetes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
