Varanti i ri i koronavirusit ka frikësuar edhe vendet e rajonit. Pas Italisë, ka pezulluar fluturimet me Anglinë edhe Maqedonia e Veriut, vendim i cili u mor sot nga Ministria e Shëndetësisë maqedonase në mvledhjen e sotme të Shtabit Kryesor për Menaxhimin e Krizave.
Në këtë vendim thuhet gjithashtu se do të aplikohet edhe izolimi i detyrueshëm 14-ditor për qytetarët që vijnë direkt nga Anglia.
Pas njoftimit nga autoritetet britanike se në Mbretërinë e Bashkuar qarkullon një variant i ri Covid-19 me 70% më shumë trasmetueshmëri se virusi aktual, shumë vende të Europës kanë pezulluar fluturimet.
Holanda, Kanadaja, Danimarka, Austria, Blegjika, Italia dhe së fundmi Maqedonia e Veriut kanë pezulluar fluturimet me Anglinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
