Autoritetet shëndetësore kanë ngritur shqetësimin lidhur me një infeksion parazitar të quajtur “krimbat e minjve” pas gjashtë rasteve të regjistruara javën që shkoi në ishujt Maui.
Numri i rasteve nuk është i madh, por krahasuar me vitet e kaluara (në 10 vjet vetëm 2 raste), ai përbën shqetësim.
Konkretisht, kjo sëmundje shkaktohet nga një lloj krimi, i cili gjen mënyrën për të arritur në trurin e njeriut. Te disa njerëz, efekti mund të jetë zero. Por te disa të tjerë, krimbi lëviz nëpër tru duke shkaktuar simptoma si inflamacion, dhimbje dhe probleme të tjera neurologjike si dridhjet e gjymtyrëve. Raste të tilla mund të shkojnë deri në vdekje. Dhe më e keqja, për këto raste është pothuajse i pamundur diagnostikimi dhe trajtimi.
Një prej të prekurve i përshkroi simptomat “sikur dikush më ka hapur kokën, ka futur aty hekurin e rrobave dhe herë pas here më shtyp butonin e avullit”.
Krimbi i minjve është një parazit që gjendet te minjtë. Ai qarkullon në mushkëritë, trurin dhe enët e gjakut të minjve. Minjtë e infektuar e nxjerrin atë jashë nëpërmjet jashtëqitjes. Krimbi mund të kalojë kështu te kërmijtë, hardhucat apo karkalecat e ujit.
Te njerëzit, një krimb i tillë mund të përfundojë pasi ata kanë konsumuar ushqime të kontaminuara nga këto lloj gjallesash. / Përgatiti: Gazmira Sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
