Të shtëna me armë zjarri janë regjistruar mëngjesin e kësaj të mërkurë në Fshatin e Ri, në Shkodër, ku kanë mbetur të plagosur dy vëllezër.
Burimet zyrtare bëjnë me dije se ngjarja ka ndodhur rreth orës 09:51 ku gjatë një konflikti fizik për motive pronësie është dëmtuar me sende të forta 34-vjeçari Lad Gruda.
Më pas konflikti është përshkallëzuar kur shtetasi i identifikuar me inicialet Xh.F ka plagosur me armë zjarri 41-vjeçarin Ilir Gruda, vëllain e 34-vjeçarit.
Bëhet me dije se të dy vëllezërit janë transportuar me urgjencë në spitalin e Shkodrës ku ndodhen jashtë rrezikut për jetën.
Në vendngjarje kanë mbërritur menjëherë shërbimet e Policisë dhe vijon krehja e zonës me qëllim kapjen e autorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
