Një gomone me dy motorë të fuqishëm është sekuestruar pas një aksioni të zhvilluar mbrëmë nga Policia Kufitare e Vlorës, Delta Forcë, Policia Kufitare e Durrësit, në bashkëpunim me Rojën Bregdetare, Guardia di Finanza në Vlorë. Ndjekja ka zgjatur disa orë.
Ndjekja ka nisur në ujrat territoriale shqiptare, dhe falë bashkëpunimit në kohë reale me Policine italiane nëpërmjet zyrës ndërlidhëse të Policisë së Shtetit në Bari, mjeti u gjurmua nga Guardia di Finanza e Barit me një avion dhe një helikopter, si dhe helikopteri i FRONTEX.
Skafistët duke e patur të pamundur të vijonin rrugën drejt Italisë, falë ndjekjes nga 3 njësitë policore në të dy vendet, 3 skafistët janë kthyer sërish drejt Shqipërisë.
Pasi kane përfituar nga deti i trazuar trafikantet kanë hedhur lëndën narkotike ne det dhe me shpejtesi kane dale ne breg në një zonë të vështirë dhe janë larguar.
Forcat policore që ishin në ndjekje po vijojnë krehjen e zonës për kapjen dhe arrestimin e tyre.
Vijojnë operacionet e kërkimit të lëndës narkotike të hedhur në det nga trafikantët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
