Gazetarja Sara Demushi reagon lidhur me hetimin e nisur ndaj deputetëve demokratë Edi Paloka dhe Klevis Balliu, për veprën penale të kanosjes për shkak të detyrës, ku Policia e Tiranës i ka referuar Prokurorisë së Posaçme materialet mbi kallëzimin.
Gjithçka pas momenteve të tensionit mes deputetëve demokratë dhe Demushit, teksa gazetarja raportonte, ku dy deputetët u konfrontuan me të.
Demushi shprehet se nuk donte që të nxiste asnjë hetim por denoncimin e deputetëve dhe thotë se e rëndësishme është që gabimet të pranohen dhe korrigjohen.
Ajo saktëson se Balliu ndërhyri për të qetësuar situatën.
Gjatë një momenti tensioni në protestën e fundit, reagova publikisht dhe denoncova dy deputetë në një gjendje të tensionuar dhe emocionalisht të fortë, jo vetëm për mua, por besoj për çdo gazetar që ndodhej aty.
Si gazetare, e vetëdijshme për peshën e fjalës publike, ndjej detyrimin të sqaroj se nuk kisha për qëllim të nxisja ndonjë hetim.
Kjo nuk është një tërheqje, por një reflektim i ndershëm për të mbrojtur vlerat që përfaqësoj: profesionalizëm, objektivitet dhe përgjegjësi.
Gabimet ndodhin. Rëndësi ka t’i pranojmë dhe t’i korrigjojmë me dinjitet.
Gjithashtu, dua të sqaroj se nuk kam asnjë pretendim ndaj Klevis Balliut, i cili erdhi në atë moment për të qetësuar situatën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
