Zhdukja e një vajze vetëm 9 vjeç disa ditë më parë gjatë një dasme ka ngritur në këmbë policinë franceze. Maelys u zhduk ndërsa luante në parkingun e një lokali në qytetin e saj Pont-de-Beauvoisin, ku po zhvillohej një dasmë. Prindërit e vajzës (nëna është kushërirë e dhëndrit) kanë qenë të parët që kanë vënë re mungesën e saj dhe e kanë denoncuar zhdukjen e saj në polici.
10 ditë pas kësaj ngjarjeje, policia ka arrestuar një prej 250 dasmorëve. Bëhet fjalë për një 34-vjeçar, mik i dhëndrit. Sinjalet për përfshirjen e tij në zhdukjen e vajzës i kanë dhënë proindërit e kësaj të fundit, të cilët kanë parë sjelljen e tij të dyshimtë. Policia gjeti gjurmë të AND-së së vajzës në makinën e tij, të cilën ai e kishte larë dhe pretendon se do ta shiste.
Pas zhdukjes së vajzës, policia kishte nisur një operacion masiv kërkimi në të gjithë qytetin. Kërkimet ishin përqendruar kryesisht në brigjet e lumenjve. Por dikush nga dasmorët dëshmoi se e kishte parë vajzën teksa fliste me 34-vjeçarin.
Por pavarësisht kërkimeve dhe arrestimit të 34-vjeçarit, nga Maelys nuk ka asnjë gjurmë tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
