Rreth 1.500 emigrantë që kërkojnë azil janë transferuar nga ishulli Lesbos, në Egje, në kuadër të nismave të zbatuara nga autoritetet greke për mbipopullimin në kampe refugjatësh dhe për shkak të një rritjeje të shpejtë të prurjeve të emigrantëve nga brigjet e Turqisë. Një anije që transportonte 635 njerëz lundroi sot nga Lesbos në portin e Selanikut, nga ku emigrantët duhet të transferoheshin në një kamp në Nea Kavala, në veri të vendit. Një anije e dytë me 900 persona të tjerë do të lundrojë pasdite. Transferimet vijnë për shkak të vendimeve të marra gjatë një takimi për sigurinë kombëtare, të thirrur të shtunën nga kryeministri Kiriakos Mitsotakis, pasi të enjten e shkuar rreth 600 persona arritën në Lesbos me një duzinë varkash në një hark kohor prej një ore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
