Zvicra ka katër nga qytetet europiane me përdorimin më të lartë të kokainës sipas renditjes së publikuar nga Qendra Evropiane e Monitorimit për Drogën dhe Varësinë nga Drogat (EMCDDA). Rezultatet e raportit të fundit e shohin Antwerpen, në Belgjikë, si lider, porti i së cilës është një nga terminalet e trafikut midis Amerikës së Jugut dhe Europës, ndërsa në pozicionet e para, sipas rendit janë Zyrihu, Gjeneva, Bazel dhe Berna. Për të përballuar problemin, administratat vendore ka propozuar një plan të ri. E përjavshmja Le Matin Dimanche raporton se qytetet i kanë dërguar qeverisë një projekt që parashikon shpërndarjen e kontrolluar të pluhurit të bardhë për të varurit nga droga. Ideja befasoi opinionin publik, sepse asgjë e tillë nuk ishte përjetuar askund tjetër në botë. Vetë mjekët, duke pasur parasysh toksicitetin ekstrem të kokainës, ngurrojnë ta përshkruajnë. Në këto katër qytete, ndërkohë, një program i ngjashëm që përfshin kërpin është gati të hyjë në fazën e testimit. Ideja në fakt nuk është e re, në fakt, 31 vjet më parë u zbatua një sistem i ngjashëm për të hequr qafe tregtarët e heroinës në parkun Platzpitz të Zyrihut. Me atë rast, Konfederata Zvicerane kishte inauguruar një projekt pilot për shpërndarjen e drogës shtetërore për të varurit nga droga.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
