MCN live ka siguruar dokumentin e Prokurorisë së Vlorës.
Gazetari Arsen Rusta përcolli dokumentin e urdhër arrestit për kandidatin e “Bashkë Fitojmë” për Himarën, Fredi Beleri, i cili akuzohet për blerje votash.
Në fletën e arrestit të siguruar thuhet se ndalimi i Belerit është bërë në mënyrë flagrante në momentin që ai në bashkëpunim me persona të tjerë ka premtuar dhe dhënë shuma monetare personave të ndryshëm me qëllim blerjen e votës.
Ndaj tij rëndon akuza për kryerjen e veprës penale të “Korrupsioni aktiv në zgjedhje kryer në bashkëpunim”.
Dhionisios Alfred Beleri është kapur në flagrancë në Himarë më datë 12.05.2023 ora 00:14 minuta, në bashkëpunim me persona të tjerë, duke premtuar dhe dhënë shuma monetare personave të ndryshëm me qëllim blerjen e votes.
Beleri është arrestuar gjatë orëve të mesnatës në ambientet e një lokali bashkë me dy persona të tjerë ku akuzohet për shit blerje votash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
