Partizani dhe Egnatia u eliminuan në turin e dytë të Conference League. Dy skuadrat e Superiores, nuk ia dolën dot të avancojnë për më tej.
Të kuqtë e Orges Shehit, barazuan pa gola ndaj gjeorgjianëve të Iberia 1999 në “Elbasan Arena”. Megjithatë humbja 2-0 në ndeshjen e parë, bëri që Partizani të eliminohet.
Të njëjtin fat kishte edhe Egnatia, që zhgënjeu totalisht në ndeshjen e kthimit ndaj Vikingur Reykjavik.
Rrogozhinasit fituan 1-0 në ndeshjen e parë në Islandë, por në sfidën e kthimit në “Loro Boriçi” u mposhtën 0-2.
Një autogol i Dulysse në minutën e 28-të dhe goli i Thrandarson në minutën e 48-të, i dhanë triumfin islandezëve.
Ecuri zhgënjyese nga skuadra shqiptare, që edhe për një tjetër vit dështojnë për të shkuar në grupe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
