Një ngjarje tragjike është regjistruar në lumin Mat, pranë urës së Vashës në Klos, ku një 33-vjeçar ka humbur jetën pas një aksidenti gjatë një aktiviteti fizik me litar.
Viktima, Erkin Lika, dyshohet se ka qenë duke kryer ngjitje me litar pasditen e djeshme, kur ka humbur ekuilibrin dhe ka rënë në ujërat e lumit Mat.
Sipas të dhënave paraprake, i riu mund të ketë përfunduar në një gropë thithëse të krijuar në këtë pjesë të lumit, duke vështirësuar ndërhyrjen e ekipeve të shpëtimit.
Pas njoftimit për ngjarjen, në zonë kanë mbërritur forca të shumta kërkim-shpëtimi, ndërsa në operacion janë angazhuar edhe palombarët e repartit RENEA.
Pavarësisht përpjekjeve të ekipeve të ndërhyrjes, kërkimet deri tani nuk kanë sjellë rezultat dhe trupi i 33-vjeçarit ende nuk është nxjerrë nga uji.
Autoritetet vijojnë operacionin në zonën pranë urës së Vashës, me qëllim gjetjen dhe nxjerrjen e trupit të pajetë të të riut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
