Numri i të vdekurve nga sulmi i dyfishtë me raketa ruse kundër Pokrovsk në Ukrainën lindore ka shkuar në të paktën tetë të vdekur dhe 31 të plagosur.
Një numër i tillë u raportua nga guvernatori rajonal Pavlo Kyrylenko, duke specifikuar se të paktën pesë civilë janë në mesin e viktimave.
Sipas rindërtimit nga mediat ukrainase, një raketë e parë goditi një ndërtesë, ndërsa e dyta e cila mbërriti rreth 40 minuta më vonë, kishte në shënjestër ekipet e shpëtimit, dy prej të cilëve vdiqën.
Në mesin e të plagosurve janë edhe dhjetëra policë. Pokrovsk ndodhet në Donetsk, afër vijës së frontit dhe është nën kontrollin e Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
