Dy punonjës të OSHEE-së janë përfshirë në një sherr me kaçavida ditën e djeshme në Vlorë. Ngjarja ka ndodhur në lagjen “29 Nëntori”, 54-vjeçari Myzafer Bocaj ka marrë dëmtime si pasojë e goditjeve me mjete të forta, prej Mishel Qendrajt, 49 vjeç, të dy punonjës të Operatorit të Shpërndarjes së Energjisë Elektrike Vlorë.
Ka qenë ndërhyrja e policisë, ajo që ka parandaluar vijimin e mëtejshëm të konfliktit.
Mësohet se i dëmtuari ka marrë ndihmën e nevojshme mjekësore dhe ndodhet jashtë rrezikut për jetën.
Sakaq policia ka shoqëruar në komisariat të dyshuarin Mishel Qendraj, dhe pasi ka kryer hetimet dhe dokumentuar rrethanat dhe shkakun e konfliktit, i cili dyshohet se ka qenë për motive të dobëta, të cilat mbeten për t’u sqaruar në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
