Kontaktet e presidentit rus Vladimir Putin me miqtë dhe partnerët janë të koordinuara, tha zëdhënësi i Kremlinit Dmitry Peskov për Tass, duke komentuar deklaratën e presidentit serb Aleksandar Vuçiç lidhur me planet për një bisedë me liderin rus.
Vuçiç tha më herët në një takim të qeverisë serbe se SHBA së shpejti do të përgatisë sanksione kundër NIS (Naftna Industrija Srbije), një kompani në të cilën Gazprom ka aksione.
Lideri serb tha se planifikon të dërgojë një kërkesë për bisedë me Putinin për 25-27 janar.
“Bisedimet me miqtë dhe partnerët tanë në nivelet më të larta dhe të tjera do të koordinohen sa më shpejt që të jetë e mundur”, tha zëdhënësi i Kremlinit, kur u pyet për gatishmërinë për të organizuar menjëherë një bisedë mes Putin dhe Vuçiç.
Vuçiç deklaroi se SHBA do t’i shpallë zyrtarisht sanksionet deri më 15 janar. Më pas Beogradi do të ketë 30 ditë kohë deri më 15 shkurt për të marrë masa.
Gjatë kësaj periudhe, Serbia pret të përfundojë një marrëveshje për furnizimin me gaz dhe të zgjidhë situatën me kompaninë e naftës dhe gazit.
NIS është një nga kompanitë më të rëndësishme të energjisë në Evropën Juglindore. Objektet kryesore të prodhimit të saj janë të vendosura në Serbi, Bosnje dhe Hercegovinë, Bullgari, Rumani dhe Hungari.
Shumica e aksionerëve janë Gazprom 56.15% e aksioneve dhe shteti serb 29.87%.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
