Ministri i Jashtëm letonez Edgars Rinkevics u zgjodh president i shtetit nga parlamenti këtë të mërkurë, duke u bërë personi i parë homoseksual që mban këtë post.
49-vjeçari do të zëvendësojë në këtë post Egils Levits, i cili ka vendosur të mos kandidojë për një mandat të dytë.
" Unë do të bëj gjithçka për të siguruar që vendi ynë të jetë i begatë dhe i sigurt", tha Rinkevics pas votimit në parlament.
Edgars Rinkevics doli si homoseksual në vitin 2014, duke u bërë figura e parë politike në vend që e bën këtë.
Presidenti i Letonisë, një vend anëtar i NATO-s dhe BE-së, luan një rol kryesisht ceremonial.
Riga është një mbështetëse e fortë e Ukrainës në luftën e saj kundër agresionit rus, duke mbrojtur anëtarësimin e Kievit në BE dhe NATO.
Presidenti ukrainas Volodymyr Zelensky e uroi menjëherë Edgars Rinkevics, duke e quajtur atë një mik të vërtetë të Ukrainës.
“Letonia do të jetë në duar të mira gjatë katër viteve të ardhshme", tha presidenti në largim Levits pas zgjedhjes së pasuesit të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
