U luajtën ditën e sotme 5 ndeshjet e fundit në Abissnet Superiore. Tirana në ndeshje e fundit u mposht 2-3 nga Kukësi dhe feston titullin e kampionit në “Selman Stërmasi” me humbje.
Në krahun tjetër, verilindorët e mbyllin në vendin e katërt me 55 pikë, po aq sa Vllaznia, por shkodranët mbajnë vendin e pestë për shkak të ndeshjeve direkte.
Pas Tiranës, Laçit dhe Partizanit, skuadra e katërt që do të shkojë në Europë do të vendoset nga finalja e Kupës së Shqipërisë, aty ku në rast se fiton Vllaznia, do të shkojë në kupat e Europës, ndërsa nëse trofeun e fiton Laçi, në Europë shkon Kukësi i vendit të katërt.
Për sa i përket sfidave të tjera, Partizani mposhti në transfertë Laçin, me rezultatin 3-4, ndërsa Vllaznia triumfoi 1-3 ndaj Kastriotit. Dy skuadrat e tjera që ranë në Kategorinë e Parë, Dinamo dhe Skënderbeu e mbyllën kampionatin në barazim, ndaj Egnatias dhe Teutës.
Egnatia do të luajë ndaj Korabit në “play out”, pasi u rendit në vendin e 8-të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
