Gazetari Klodian Tomorri, i ftuar në emisionin "Të Paekspozuarit" në MCN TV, komentoi procesin ndaj Erion Veliajt, duke theksuar pretendimet se ai ka dhënë urdhra mediave të njohura për të sulmuar drejtësinë.
Sipas Tomorrit, nëse SPAK ka prova për këto sulme, duhet të ketë marrë masa ndaj atyre që i zbatuan këto urdhra.
Tomorri shprehet se ai është i shqetësuar që nuk ka pasur masa apo akuzë ndaj personave që kanë qenë pjesë e këtij skenari të orkestruar.
Ajo që më bën përshtypje në gjithë këtë është që pse nuk ka masa apo akuzë për palën tjetër.
Se nëse SPAK thotë se Veliaj nga burgu ka urdhëruar, orkestruar dhe dirigjuar në sulm shantazhi ndaj njerëzve të drejtësisë atëherë pse nuk është marrë masë ndaj atyre aktorëve që e kanë vënë në jetë këtë sulm.
Në këtë rast nëse SPAK pretendon se ka sulm, pse nuk ka masa për ata njerëz që janë bërë pjesë e këtij skenari, pra nëse ka fakte që ka ndodh do duhej te kishte masa edhe në krahun tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
