Kërcënohet gruaja që publikoi videon e dhunës ndaj të moshuarës në Pejë

Kaltrinë Zeneli, gruaja që postoi videon e dhunës ndaj të moshuarës në një azil të moshuarish në Pejë është kërcënuar.

“Veç mos t’pafsha në rrugë se ko me t’myt”, ka qenë njëri ndër mesazhet kërcënuese që ajo ka marrë. Zeneli ka rrëfyer sot në KTV: “‘Veç mos t’pafsha në rrugë se ko me t’myt’ ka qenë një ndër mesazhet kërcënuese. Për mua nuk çojnë peshë këto komente. E vetmja brengë është për personin që ma ka dërguar videon dhe nuk e di çka ka ndodh me të. Profilin prej të cilit ma ka dërguar videon, është mbyllur. Nuk e di a ka ndonjë problem me të apo çfarë po ndodh”.

Videoja e publikuar dje nga azili i të moshuarve në Pejë tronditi opinionin publik në Kosovë dhe Shqipëri. Në pamje shfaqej një infermiere duke dhunuar fizikisht një grua të moshuar, e cila vuan nga skleroza.