Kjo e shtunë ishte vërtetë ditë feste për besimtarët mysliman në Elbasan. Veç kremtimeve për Kurban Bajramin ata munden të faleshin në xhaminë e sapo përfunduar qendër të qytetit, atë të Ballies.
Pas 55 vjetësh, që nga prishja e xhamisë së Ballies, rreth 1000 besimtarë nga Elbasani, por jo vetëm, kanë kryer ritin e faljes në ditën e shenjtë atë të Kurban Bajramit në pjesën e jashtme të xhamisë ndërsa një numër i lartë besimtarësh ishin vendosur përgjatë bulevardit qendror.
Përfaqësues të myftinisë dhe besimtarë përcollën urimet e tyre për ditën që simbolizon sakrificën njerëzore në emër të krijuesit.
E lartësuar si një fisnike, në vendin e saj shumë shekullor, kjo xhami edhe një herë tregoi respektin dhe qytetarin e një qyteti të lashtë sa vetë Ballija.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
