Presidenti rus Vladimir Putin ka paralajmëruar se hyrja e Finlandës këtë vit në NATO do të krijojë “probleme” dhe si përgjigje njoftoi një përforcim ushtarak pranë kufirit të saj në veriperëndim.
"Nuk kishte probleme atje, por do të ketë probleme tani, sepse ne do të krijojmë Qarkun Ushtarak të Leningradit dhe do të përqendrojmë një numër të caktuar njësish”, deklaroi ai për një gazetar të televizionit publik në një intervistë të transmetuar të dielën, në të cilën ai akuzoi Perëndimin se e kishte futur Finlandën në NATO.
Marrëdhëniet midis dy fqinjëve, të cilët ndajnë një kufi 1340 kilometra të gjatë, janë përkeqësuar ndjeshëm që nga shkurti i vitit 2022 kur nisi ofensiva e Rusisë në Ukrainë, një sulm që bëri që Finlanda, e shqetësuar për sigurinë e saj, t'i bashkohej NATO-s në prill 2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
